UM VERKEFNIÐ

Þessi vefsíða er partur af B.A. verkefni í þroskaþjálfafræði við Háskóla Íslands vorið 2022. Í gegnum árin hefur kynfræðsla, þá sérstaklega í grunn- og framhaldsskólum, verið að mestu takmörkuð við þann líffræðilega þátt sem við kemur kynlífi. Með því er, sem dæmi, átt við fræðslu um getnað, getnaðarvarnir og kynsjúkdóma. Því getur verið vöntun á þeim félagslega þætti sem við kemur kynlífi, sem dæmi má nefna samskipti, samþykki og nautn, þetta er þó ekki tæmandi listi. Einnig er mikilvægt að inngilda jaðarsetta hópa í kynfræðslu og setja þá hópa inn í umræðuna um kynlíf. Markmið okkar er því að gefa út fræðslu efni sem er aðgengilegt og inngildandi.